Ditën e djeshme në rrjet u përfol sërish për një bashkëpunim të mundshëm mes Tayna-s dhe Noizyt dhe shkak është bërë fakti se të dy postuan edhe një video, ku shihen saktësisht në të njëjtin vend.
Kaq mjaftoi që fansat të aludonin se ndoshta dy artistët e suksesshëm po sjellin një këngë së bashku, madje ditën e sotme u përfol se atyre mund tu bashkohet edhe S4MM, i cili ishte po ashtu me Noizyn.
Por, jo! Edhe këtë radhë ajo që i bëri Noizyn dhe Taynën ‘bashkë’ ishte rastësia.
Menaxheri i Taynës, Rinor Hykolli në një prononcim për “iconstyle.al” mohoi zërat, duke thënë se në fakt tashmë reperja ndodhet në Prishtinë. Por, ai e la të hapur mundësinë për një bashkëpunim të mundshëm në të ardhmen.
Ndërkohë, Rinori shtoi se Tayna ka gati edhe dy bashkëpunime ndërkombëtare, por pa zbuluar emra.
Për shkak të pandemisë videoklipet e këtyre këngëve ende nuk janë xhiruar, por shpresojmë që shumë shpejt të mësojmë se çfarë po na gatuan Tayna.
Tayna është në Kosovë dhe nuk ka patur asgjë të përbashkët me Noizyn. Ndoshta ai ka shkuar pas saj atje. (vendi nga ku të dy postuan video). Po s’i dihet. Në të ardhmen, pse jo! Kemi patur dy bashkëpunime për të publikuar me artistë ndërkombëtarë, por pandemia na ka pamundësuar xhirimet e klipeve.”-shpjegoi Rinori.
Kujtojmë se, edhe në janar të 2019 u përfol se dy artistët po sjellnin një bashkëpunim, megjithatë asgjë nuk u konkretizua.
Sakaq, ata pushtuan rrjetet sociale dy muaj më pas, pasi ndodheshin të dy në Tajlandë, por e gjitha rezultoi një rastësi.
/Iconstyle.al/
