Banorët e fshatit Mlizë në Elbasan, prej 30 vitesh nuk kanë ujë të pijshëm dhe rrugë të asfaltuar. Edhe pse ky fshat ndodhet vetëm 5 km nga qyteti i Elbasanit, ku jetojnë 620 familje, prej vitesh nuk është bërë asnjë investim.
Ditën e sotme banorët janë ngritur në protestë, pasi problemet e tyre nuk kanë marrë zgjidhje, si dhe kërkojnë azhornim të tokave të tyre.
Për “Fax News” ata shprehen se, duke lënë pezull aktin e pronësisë, nuk mund të kryejnë shit-blerje të tokës. Banorët theksojnë që nëse nuk plotësohet kjo kërkesë e tyre, nuk do të marrin pjesë në zgjedhje.
“Ne nuk do ta marrim pjesë në votime, për arsye. Duam azhornim të tokës, t’ua lemë fëmijëve. Nuk duam sherre. Kërkojmë azhornimin e tokës”, u shpreh një banor.
Moskryerja e azhornimit të tokave është një proces problematik prezent në pjesën më të madhe të fshatrave në vend.
Ndonëse disa herë është premtuar nga instancat përkatëse se do të merrte zgjidhje ende pronarët pa dokumente sorollaten zyrave pa një përgjigje.
/Burimi: FaxNews/ GazetaReforma.com/
