Belind Këlliçi disa ditë më parë ka zyrtarizuar kandidaturën e tij për bashkinë e Tiranës. Ndërkohë mbrëmjen e djeshme Këlliçi ka qenë pjesë e një emisioni në MCN TV, ku është vendosur me “shpatulla pas murit” nga gazetari Ylli Rakipi.
Gazetari e ka pyetur Këlliçin për oligarkët që kanë nën “kthetrat” e tyre tenderat me shuma marramendëse, që mbajnë në pushtet Ramën dhe Veliajn dhe përfitojnë leje ndërtimi për kulla në Tiranë. Por Këlliçi edhe pse premton shumë, nuk pati guxim të përmendë emra konkretë.
I gjetur përballë pyetjes së Rakipit, Këlliçi jo vetëm që nuk tha emrin e asnjë oligarku, por madje deklaroi se gazetari është “cinik” dhe “jashtë realitetit”.
Pjesë nga biseda:
Ylli Rakipi: PD thotë se Tirana i është ndarë 4-5 të pasurve, oligarkëve. Kush janë oligarkët në Shqipëri?
Belind Këlliçi: Je shumë cinik në pyetje. Je shumë jashtë realitetit.
Të sfidoj të më gjesh mua lidhje me një oligark. Unë nuk flas me gjuhën e vjetër dhe nuk vë gjoba. Nuk jam kundër biznesit të ndershëm.
Ylli Rakipi: Ç’lidhje ka kjo me gjobat? Unë po të pyes kush janë oligarkët. Ti nuk paske ndryshim nga Veliaj. Ndryshoni vetëm në fytyrë.
Belind Këlliçi: Fyerje më të rëndë se kjo nuk ka.
Ylli Rakipi: Unë të kërkova emra oligarkësh. Ti ishe në dasmën e tjetrit, ulur me oligarkun në tavolinë.
Belind Këlliçi: Unë kam qenë në dasmën e shokut të forumit dhe kam qenë me gjashtë vetë të forumit.
Ylli Rakipi: Kush janë oliagrkët? Ju bërtisni për oliagrket.
Belind Këlliçi: Unë nuk ju vë gjoba oligarkëve. Kjo është praktikë gjobash.
Ylli Rakipi: Jo dasma e forumit, por dasma e Shkëlzenit. Po flas që rrije me oligarkun.
Belind Këlliçi: Unë nuk ju vë gjoba oligarkëve.
Ylli Rakipi: Ti ke qenë aty me oligarkë, të lani dhe të lyeni. Si qenka pyetje cinike kur unë pyes kush janë oligarkët? Nuk thua asnjë emër. Do të bëhesh ti kryetar Bashkie nesër?!
