PLUG
Deri më sot kemi investiguar disa nga skandalet më të mëdha të viteve të fundit, e ku protagonistë kanë qenë zyrtarët më të lartë të qeverisë e deri tek kryeministri Edi Rama.
Një nga figurat me protagonizmin më të madh në afera rezulton të jetë ish-zv. Kryeministrja Belinda Balluku, e cila sot falë edhe mburojës së krijuar nga Edi Rama ka arritur t’i shpëtojë arrestimit. Kemi parë një Belindë në përgjimet ku përcaktoheshin tenderat qindra milionësh të rrugëve, tek aferat në energjetikë, nga Tigrat e deri tek parqet fotovoltaike. Por sot do të ndalemi në një tjetër skandal, që për nga përmasa mund të konsiderohet si një nga aferat më të mëdha të viteve të fundit, ku sërish protagoniste rezulton Belinda Balluku.
Bankers Petroleum, kompania që shfrytëzon e thith miliona euro nga pasuria kombëtare, tashmë është nën hetim nga SPAK, për qindra milionë euro pasuri kombëtare të zhvatura nga ajo që u takon shqiptarëve. Por a mund të ndodhte e gjithë kjo pa favorizimin e pushtetit? Në vijim do t’ju tregojmë se si vetë Belinda Balluku edhe një kolege e saj, si Anila Denaj kanë firmosur e urdhëruar që kjo kompani jo vetëm të favorizohej por edhe të mos paguante atë çka u takonte shqiptarëve, taksat. E ky skandal duhet të çojë në këmbë jo vetëm institucionet e drejtësisë, por edhe çdo shqiptar të vjedhur, që paratë e munguara t’i kërkojë jo vetëm në xhepin e Bankers, por edhe të zyrtarëve që lejuan vjedhjen e tyre.
Skemat korruptive ku Belinda Balluku rezulton e përfshirë, cilësohen si aferat e shekullit, ku veç dosjet në SPAK përllogarisin një dëm në miliarda euro.
Belinda Balluku, cilësohet si një nga bashkëpunëtoret më të ngushta dhe më të vjetra të Edi Ramës, që kur kryeministri drejtonte Bashkinë e Tiranës. Në dhjetor të vitit 2018 kur Rama bëri ndryshime në kabinet, largoi Damian Gjiknurin nga super Ministria e Infrastrukturës Energjisë dhe në vend të tij emëroi Belinda Ballukun. Pak kohë më vonë, jo vetëm ministrinë që përfitonte 60 % të buxhetit të shtetit, por shumë shpejt Belinda Balluku do të gradohej edhe si zëvendëskryeministre. Tashmë Balluku do të vishej dhe me forcën e firmës së shefes së ekzekutivit në mungesë të Edi Ramës, fuqi kjo që iu bashkangjit kompetencave për dhënie leje e licenca për të gjithë pasurinë e tokës dhe nëntokës, ku miratohen hidrocentralet, fotovoltaikët, lejet minerare.
E gjithëpushtetshmja Belinda Ballukut, tashmë kishte shtënë në dorë të gjithë kompetencat për të qenë njeriu më i pushtetshëm në vend pas Edi Ramës, ku ndër të tjera ishte personi që vendoste për portet, aeroportet, hekurudhat, prandaj deri më sot askush nuk ka guxuar e guxon të flasë për Belën e Edit, sepse ajo është ushqimi i oligarkëve, biznesmenëve madje edhe grupeve kriminale.
Deri më sot emisioni Plug ju ka treguar me fakte grabitjen e buxhetit të shtetit me tenderat abuzivë, me rrugë të florinjta që shemben ende pa u inauguruar, ku ndër to Tuneli i Llogarasë për të cilën Belinda Balluku duhet të përgjigjet në SPAK, Unaza e Tiranës, Rruga e Qafë-Thanës apo shumë projekte të tjera, kostot e të cilave rezultojnë më të shtrenjtat në Europë. Por jo vetëm kaq, kemi zbardhur abuzimet në sektorin e energjetikës, me firmë të Belinda Ballukut janë dhënë leje korruptive për parqe fotovoltaike, e me kostumin e të gjithëpushtetshmes mijëra hektarë tokë ju grabitën qytetarëve të Fierit, për t’ju dhënë strukturave kriminale dhe personazheve politikë të Partisë Socialiste.
Sikur të mos mjaftonin këto, sot do t’ju faktojmë se si nga kthetrat abuzive nuk ka shpëtuar edhe nëntoka, ku pasuria nëntokësore e falur nga zoti, u abuzua në këto vite me bekimin dhe urdhrin direkt të Belinda Ballukut.
Emisioni Plug do të ndalet sërish në Qarkun e Fierit, në zonën e Patos-Marinzës, ku rezulton një nga zonat nëntokësore më të pasura në vend për shkak të naftës, por një nga zonat më të varfra dhe të vjedhura sa u përket qytetarëve që jetojnë aty. E kjo situatë lidhet drejtpërdrejt me pazaret e Belinda Ballukut. Nëse ky abuzim nuk do të kishte ndodhur, sot qytetarët e asaj zone, do të kishin jo një por 2 spitale, 2 shkolla e madje me ato qindra milionë euro të vjedhura zona e Patos-Marinzës mund të ishte shndërruar në zonën model sa i përket infrastrukturës dhe kushteve të jetesës. Por jo, kjo nuk ka ndodhur sepse Belinda Balluku vendosi që të futet në pazar e të favorizojë kompaninë Bankers Petroleum, me një dëm qindra milionë euro, skandal tek i cili do të ndalemi gjerësisht në vijim.
Në vitin 2004 qeveria socialiste e kohës vendosi të lidhë një kontratë koncesionare me kompaninë Bankers Petroleum, për nxjerrjen e naftës bruto. Sipas kësaj marrëveshjeje fitimi që kjo kompani do të gjeneronte do ndahej 50% me shtetin.
Por në Qarkun e Fierit ishte dhe rafineria, e cila do duhej të përpunonte këtë naftë bruto. Në këtë rafineri punonin pjesa dërrmuese e banorëve të zonës, 800 naftëtarë.
Sot kjo rafineri nuk ekziston më sepse me një aferë totalisht korruptive u mor dhe u shit për skrap. Rafineria iu shit për 9 milion euro kompanisë Shijaku shpk dhe vetëm nga shitja e skrapit kjo kompani dyshohet përfitoi mbi 21 milion euro. Për këtë aferë emisioni PLUG po mbledh informacion nga institucionet përkatëse dhe po kryen një investigim të thelluar pasi këto para nuk duhet të përfundonin te Shijaku shpk por në buxhetin e shtetit si kreditori i parë.
Por i rikthehemi kompanisë Bankers Petroleum, e cila edhe pse kanë kaluar 22 vite nga shfrytëzimi i pasurisë tonë kombëtare nuk ka deklaruar kurrë fitim dhe shqiptarët nuk kanë përfituar kurrë asnjë cent nga pasuria e tyre.
E gjitha kjo skemë ka ndodhur pasi kjo kompani vazhdimisht ka deklaruar shpenzime shumë të larta. Drejtoria e Përgjithshme e Tatimeve në vitin 2012 e më pas në vitin 2014 vendosi në bashkëpunim me AKBN të ndërmarrë kontrolle të thelluara në këtë kompani ku konstatoi shumë abuzime, duke vendosur jo vetëm të gjobisë Bankers Petroleum por për herë të parë të nxjerrë me fitim këtë kompani duke arkëtuar Tatim mbi Fitimin në vlerën 7.4 miliardë lekë ose 74 milion euro.
Bankers vendosi ta dërgonte këtë çështje në arbitrazh, ku Shqipëria në vitin 2025 fitoi pjesën më të madhe të problematikave të konstatuara.
Ky vendim do duhej menjëherë të zbatohej nga Drejtoria e Përgjithshme e Tatimeve dhe AKBN pasi raporti lidhej vetëm me shpenzimet për vitet 2011-2013 dhe tashmë do duhej të rikontrollohej për vitet në vijim duke zbatuar pikërisht vendimin e arbitrazhit. Emisioni PLUG i është drejtuar me një kërkesë për informacion Avokaturës së Shtetit dhe do e ndjekë në vijim këtë çështje.
Megjithatë Belinda Ballukut dhe Edi Ramës nuk i interesojnë që taksat t’u shkojnë sërish pas qytetarëve, por t’i vjelin ata sa më shumë, mjafton që interesat klienteliste të mos preken, e bashkë me to edhe qindra miliona euro që sot po konsiderohen si afera korruptive. Do të shohim në vijim disa vendimmarrje dhe urdhra skandalozë nga Belinda Balluku dhe ministret e tjera të Edi Ramës, me vetëm një qëllim, shmangien e pagesave të munguara nga Bankers Petroleum.
Firmat fap fap fap, me 15 vendime brenda një dite i kishim parë publikisht në aferën e e Inceneratorëve, por sot Emisioni PLUG do ju sjell ekskluzivisht një tjetër rast të tillë, por tashmë nuk ishte i gjithë këshilli i ministrave por Belinda Balluku dhe Anila Denaj. Qëllimi është i pastër, mbrojtja e Bankers Petroleum për të mos paguar taksat që duhet t’u riktheheshin shqiptarëve.
Data 17 korrik e vitit 2019 ishte shumë e ngarkuar për Ministren e Infrastrukturës dhe Energjisë Belinda Balluku dhe Ministren e Financave Anila Denaj, të cilat në koordinim e bashkëpunim funksionuan fiks si një grup si strukturuar kriminal për të bllokuar gjobitjen e Bankersit ato kanë nxjerrë, jo vetëm shkresa me firmën e tyre por ato i kanë përpiluar edhe vetë, ndryshe nga sa është praktika në administratë.
Që në kokë të shkresave kuptohet se ato nuk janë përpiluar nga drejtoritë përkatëse por nga vetë ministret, sepse mesa duket askush nga vartësit në vitin 2019 nuk guxonte të kryente këtë shkelje kaq flagrante.
Nëse ju duket e habitshme kjo që po ju themi mjafton të bëjmë krahasimin.
Kjo që shihni në ekran është shkresa e vitit 2016 që mban firmën e Arben Ahmetaj. Po të shohim kokën e shkresës ajo përmban:
Republika e Shqipërisë
Ministria e Financave
Drejtoria e Përgjithshme e Politikave Makroekonomike dhe Çështjeve Fiskale
Drejtoria e Analizave Fiskale
Pra kuptohet fare qartë se shkresa është përpiluar nga drejtoria e analizave fiskale më pas është miratuar nga drejtori i përgjithshëm i politikave makroekonomike e në fund firmosur nga Ministri i financave. E njëjtë është dhe shkresa e vitit 2017 që mban firmën e zv.Ministrit të Financave Erion Luçi. E kundërta ndodh me shkresën e Belinda Ballukut dhe Anila Denaj. Këto urdhra nuk janë të institucioneve siç e parashikon ligji, por me angazhim të drejtpërdrejtë nga dy ministret, që kanë marrë personalisht përsipër të shpëtojnë Bankersin
EFEKTE- KETU DY SHKRESAT E BALLUKUT DHE DENAJT
Republika e Shqipërisë
Ministria e Infrastrukturës dhe Energjisë
Ministri
Pra kjo shkresë është përpiluar miratuar dhe nënshkruar vetëm nga Ministri Belinda Balluku.
Republika e Shqipërisë
Ministria e Financave dhe Ekonomisë
Ministri
Edhe kjo shkresë është përpiluar, miratuar dhe nënshkruar vetëm nga Ministri Anila Denaj.
Por çfarë përmbajnë këto dy shkresa të datës 17 korrik 2019. Fillimisht do të analizojmë shkresën e Belinda Ballukut, e cila i drejtohet Anila Denajt dhe Drejtorisë së Përgjithshme të Doganave ku që në hyrje të saj kërkon pezullimin e vjeljes së detyrimeve të Bankers Petroleum Albania. Belinda si eksperte fillimisht bën një sqarim se përdorimi i holluesit nuk ka normativë por varet nga densiteti i naftë bruto presioni dhe temperatura, sigurisht që është mashtrim pasi ky proces teknologjik ka normativë në % dhe sidomos këto normativa janë të pasqyruara dhe te planet e biznesit apo shkresa të përpiluara nga vetë Bankers ku për të justifikuar sasinë e madhe të holluesit të sipërpërmendur nuk citon asnjë nga faktorët e Ministres eksperte nafte. Sot po publikojmë ekskluzivisht një shkresë që mban firmën e Leonidha Çobo drejtuar AKBN, pasi kjo e fundit i revokoi përjashtimet pasi nafta edhe sipas një raporti të KLSH përdorej edhe për LARJE TUBASH.
Sipas Leonidha Çobos rritja e sasisë së përdorur lidhej vetëm me rritjen e sasisë së naftës së prodhuar, shtimi i numrit të puseve, etj. Pra sipas kësaj shkrese që po shihni në ekran asnjë nga argumentet e përdorura nga Balluku nuk qëndrojnë.
Sinkron:
Sa i përket rastit në fjalë, konkretisht pretendimit të Doganës Fier për detyrimin e BPAL për të paguar akcizë për holluesin e përdorur, pretendim i cili në fakt ka të bëjë më shumë me shkelje në procesin e lëvrimit të holluesit nga magazina me regjim doganor pa akcizë, në puset ku nxirret nafta bruto dhe injektohet holluesi. Mendojmë se masat e marra duhet të jenë masa administrative referuar procedurave doganore e jo masa në lidhje me detyrimin sipas ligjit 61/2012 “Për akcizën në Republikën e Shqipërisë”
Pra Belinda nga eksperte nafte kaloi në eksperte fiskale dhe mësonte Ministren e Financave Anila Denaj se si duhet të interpretohet ligji për akcizat, dhe këtë ja mësonte organit që e ka propozuar atë ligj duke dalë totalisht nga fusha e saj e përgjegjësisë dhe duke ndërhyrë në kompetencat e Drejtorisë së Përgjithshme të Doganave. Sipas Ligjit për Akcizën i vetmi organ që e ka tagër të kontrollojë dhe mbledhë akcizën është AUTORITETI DOGANOR as Ministria e Financave JO.
Pasi zgjatet në mënyrë të detajuar në interpretimin e ligjit për akcizën Balluku shkruan:
Duke ju referuar sa më sipër ligjit, i cili përcakton qartazi se kur lind detyrimi për akcizë, kush janë mallrat subjekt akcize dhe në cilat raste ato përjashtohen kategorikisht nga detyrimi i akcizës, theksojmë edhe njëherë se vendimi i Drejtorisë së Përgjithshme së Doganave për nxjerrjen e detyrimeve për të paguar akcizë për holluesin dhe gjoba për shmangien nga ky detyrim nuk qëndron dhe është i padrejtë.
Nga sa më lart, parashtrojmë kërkesën institucionale, për të konsideruar sa më sipër si dhe kërkuar nga Drejtoria e Përgjithshme e Doganave të pezullojë të gjitha veprimet lidhur me këtë çështje, pra të pezullojë finalizimin dhe njoftimin final të këtij penaliteti deri në marrjen e një interpretimi ligjor nga Gjykata Kushtetuese mbi ligjshmërinë e këtij akti. Mendojmë se ky është një veprim i domosdoshëm për të mos gabuar në vlerësimin e situatës. Sjellim në vëmendje se në një çështje tjetër të së njëjtës natyrë kemi humbur procesin me BPAL për shumën 4.022 miliard lekë.
Kjo është pjesa më skandaloze e kësaj shkrese pasi Belinda Balluku del totalisht jashtë përgjegjësive dhe tagrave të saj institucionale si Ministër i Infrastrukturës dhe Energjisë duke interpretuar jo vetëm ligje të natyrës fiskale por edhe KËRKON të pezullohet ekzekutimi i gjobës dhe vjelja e detyrimeve. Ajo vazhdon edhe më tej duke cituar në shkresë edhe veprimet që do të ndërmerrte Bankers për ta çuar vendimin në Gjykatën Kushtetuese, kujtojmë këtu se është vitit 2019 dhe nuk ka ende një vendim të Gjykatës së Lartë, prandaj ku i dinte Balluku se çfarë veprimesh ligjore do të ndërmerrte Bankers!!!!!
Pra në vitin 2019, Belinda Balluku dinte që Bankers Petroleum do t’i drejtohej Gjykatës Kushtetuese 3 vite më pas.
