Komisioni i Ankimimeve dhe Sanksioneve ka pranuar sot, në dhomë këshillimi, kërkesat për rinumërim të votave të paraqitura nga kandidatët Asllan Dogjani dhe Aulon Kalaja, të cilët garuan përmes Partisë Demokratike dhe Lëvizjes së Legalitetit në qarqet Tiranë dhe Durrës.
Kërkesa u pranua pasi kësaj radhe u depozitua nëpërmjet subjekteve politike përkatëse, ndryshe nga hera e parë kur ishte hedhur poshtë me arsyetimin se duhej bërë pikërisht në këtë formë.
Të dy kandidatët pretendojnë se gjatë procesit të numërimit ka pasur parregullsi që, sipas tyre, kanë ndikuar në ndarjen e mandateve.
Me vendimin e sotëm, KAS hap rrugë për një verifikim të mëtejshëm të kutive në të dy qarqet.
