LONDËR
Mijëra pushues britanikë, që kanë zgjedhur Francën për të bërë pushimet këtë verë, kanë nxituar të kthehen në vendin e tyre, pak përpara se qeveria në Londër të vendosë ligjin për karantinën e detyruar 14-ditore.
Karantina e detyruar, përpos britanikëve që kthehen nga Franca, është obligim edhe për ata që kthehen nga Holanda, Monako, Malta, ishujt Turks dhe Aruba, shkruajnë mediiat në gjuhën angleze.
Ndërkohë, Franca tha se do të marra masa për situatën në kufi.
Holanda paralajmëroi kundër udhëtimeve jo të domosdoshme në Britaninë e Madhe sapo kufizimet hynë në fuqi. Amsterdami tha se nuk do marrë masa reciproke ndaj Britanisë, sikundër po vepron Franca.
Shtetet janë detyruar të rrisin masat, për shkak se rastet e infektimeve nga koronavirusi janë rritur tej mase.
Edhe në vendin tonë, radha në Doganën e Kakavijës ka kapur rekordet, deri në 20 kilometër.
Kryeministri Edi Rama deklaroi se arsyeja është se qytetarët shqiptarë nuk duan të bëjnë karantinën e detyruar në shtetin grek, por nuk ka ende një arsye zyrtare.
