Presidenti i vendit Bajram Begaj ishte i pranishëm në ceremoninë e inaugurimit të bazës ajore të NATO-s në Kuçovë, ku mbajti dhe fjalën e tij.
Begaj u shpreh se kjo bazë ajrore është rezultat i bashkëpunimit me aleatët dhe vëmendjes që i kushton Shqipëria mbrojtjes.
Kreu i shtetit tha se NATO nëpërmjet këtij investimi, tregon se Shqipëria ka një rëndësi strategjike për aleancën.
“Rijetësimi i bazës ajrore të Kuçovës, shënon një kapitull të ri në historinë e mbrojtjes dhe sigurisë së vendit tonë e të gjithë rajonit tonë. Kjo bazë është rezultat i bashkëpunimit, solidaritetit, bashkërendimit dhe koordinimit midis aleatëve dhe i vëmendjes që Shqipëria i kushton sigurisë dhe mbrojtjes.
Nga kjo bazë, Ne së bashku dërgojmë mesazhin e fuqishëm të paqes dhe dëshmojmë se NATO është e vendosur të mbrojë lirinë dhe sigurinë e aleatëve, duke garantuar mbrojtje kolektive. I shpreh mirënjohjen të gjithë aleatëve tanë në NATO, veçanërisht partnerit tonë strategjik, SHBA-së, për mbështetjen e paçmuar që i kanë dhënë Shqipërisë në rrugëtimin euroatlantik”, u shpreh Begaj.
Ai nuk la pa përmendur dhe kjo ndihmon Shqipërinë edhe në interesa strategjik për të ndihmuar në procesin e anëtarësimit në BE.
