Një 14-vjeçar është kapur me një thikë gjatë një kontrolli fizik në kryeqytet.
Pas kësaj ngjarjeje, Prokuroria pranë Gjykatës së Shkallës së Parë të Juridiksionit të Përgjithshëm Tiranë ka nisur hetimin në gjendje të lirë për të miturin, ndërsa mjeti prerës është sekuestruar si provë materiale.
Ky incident ndodh pas ngjarjes tragjike të ndodhur pranë shkollës “Fan Noli”, ku një tjetër 14-vjeçar, Martin Cani, humbi jetën pas një sherri me thika.
Gjatë këtyre kontrolleve, janë kapur edhe disa adoleshentë të tjerë të cilët mbajnë armë të ftohta, çka ka ngjallur shqetësime për fenomenin e dhunës me mjete të tilla ndërmjet të rinjve.
Autoritetet po vazhdojnë hetimet për të zbardhur tërësisht shkaqet dhe rrethanat që i kanë çuar të rinjtë në përdorimin e armëve të ftohta.
