Një shumë e madhe parash është sekuestruar pak ditë më parë në aeroportin “Charles de Gaulle” në Paris.
Bëhet fjalë për dy valixhe diplomatike brenda së cilave janë gjetur 23 milionë euro, që mendohet se kishin si destinacion Shqipërinë.
Sipas mediave të huaja, valixhet i përkasin një shtetasi nga Mali, i cili do të udhëtonte tranzit në Malajzi.
“Në aeroportin Charles-de-Gaulle në Paris një shtetas nga Mali në transit për në Malajzi u arrestua me 2 valixhe që përmbajnë 23 milionë euro, pothuajse 15 miliardë franga CFA. Ne po flasim për valixhe diplomatike të lidhur kështu me shtetin e Malit.”-shkruan “World News”, ndërkohë që burime për median bëjnë me dije se dërgesa me shumë marramendëse mund të kishte si destionacion Shqipërinë, që etiketohet si parajsë fiskale.
“Burime nga policia flasin që dërgesa ishte për Shqipërinë, një vend i njohur si një parajsë fiskale. Cili personalitet ishte mbajtësi i bagazheve? Autoritetet maleze nuk mund ta thonë atë. Megjithatë, ndërsa valixhet janë diplomatike kjo tregon se kemi të bëjmë me zyrtarë të lartë.”-shkruan “World News”.
Burimi: Balkanweb
