Ndërkohë në 7 qershor të vitit 2004 rezulton se Sanxhaktari është marrë në hetim nga Prokuroria e Tiranës për veprën penale të “Vjedhjes duke shpërdoruar detyrën” të parashikuar nga neni 139 dhe 25 i Kodit Penal. Gjatë periudhës 2001-2003 Valbona Sanxhaktari ka ushtruar detyrën si juriste në Drejtorinë Juridike dhe të Prokurimeve pranë Ministrisë së Arsimit dhe Shkencës.
Skandale të njëpasnjëshme kanë ndodhur në vetting. Kemi publikuar herë pas here raste skandalesh, korrupsioni, paaftësish apo mënyrën se si janë përzgjedhur në mënyrë të paligjshme.
Kemi publikuar skandale se motra e Belinda Ballukut, Pamela Qirko nuk plotëson kushtet për të qenë anëtare komisioni dhe se si Etleda Çiftja është diplomuar me mesatare 5 (pesë) etj.
Një ndër skandalet e vettingut është padyshim edhe komisionerja Valbona Sanxhaktari, e cila sot gjykon pasurinë dhe profesionalizmin e prokurorëve dhe gjyqtarëve, por rezulton të mos ketë njohuritë dhe kapacitetet e duhura për të përmbushur detyrën e komisioneres së posaçme.
Valbona Sanxhaktari është vlerësuar nga anëtarët e komisionit të korrigjimit të fletëve të provimit me 85 pikë, një rezultat ky mjaft i dobët në raport me studentët e tjerë garues. Sanxhaktari ka dhënë vetëm provimin me shkrim, ndërsa për ballafaqimin dhe dhënien e provimit me gojë përpara komisionit të Shkollës së Magjistraturës, nuk është paraqitur fare.
Ndërkohë në 7 qershor të vitit 2004 rezulton se Sanxhaktari është marrë në hetim nga Prokuroria e Tiranës për veprën penale të “Vjedhjes duke shpërdoruar detyrën” të parashikuar nga neni 139 dhe 25 i Kodit Penal. Gjatë periudhës 2001-2003 Valbona Sanxhaktari ka ushtruar detyrën si juriste në Drejtorinë Juridike dhe të Prokurimeve pranë Ministrisë së Arsimit dhe Shkencës.
Por nga auditimet e KLSH në atë kohë u ngritën dyshime për abuzime me fondet publike në tenderin për rikonstruksionin e një konvikti në Elbasan. Për këtë arsye, Prokuroria e Tiranës jo vetëm regjistroi procedimin penal, por dhe kreu hetime duke e marrë si të pandehur.
Në redaksinë e “INFRONT” ka mbërritur një video implikuese, ku duket qartë se komisonerja Sanxhaktari është në “afrimitet intim” me funksionarin e lartë të P.S., Artan Lame një ndër personazhet më të korruptuar të qeverisë Rama.
Në këtë video duket qartë se Artan Lame është duke kryer aktivitet fizik bashkë me Komisioneren Sanxhaktari në liqenin e Farkës. Artan Lame është nën hetim për korrupsion nga “SPAK” ku është marrë dhe në pyetje për aferat që ai ka kryer në drejtimin e Hipotekës.
Në vijim do të publikojmë raste konkrete se si Artan Lame, ndikon në mënyrë të paligjshme për të kaluar apo për të përjashtuar nga sistemi i drejtësisë gjyqtarë dhe prokuror. Pa dyshim do të publikojmë aferat që Sanxhaktari ka kryer për llogari të Artan Lames.
Do të publikojmë se si Valbona Sanxhaktari ndikon në “SPAK” për të mbrojtur Artan Lamen nga arrestimi. /Infront
