Aeroporti i Frankfurtit ka pezulluar aktivitetin për shkak të pranisë së shtuar të dronëve pranë tij.
Të gjithë avionët tashmë do të nisen nga aeroportet aty pranë.
“Flightradar24” raporton se për një orë nuk ka pasur as nisje dhe as ulje avionësh në pistë.
Policia ndërkohë ka nisur investigimet për të zbardhur shkaqet e kësaj ngjarjeje.
Një zyrtar i policisë u shpreh se dronët u pikasën nga një pilot, në pjesën jugore të aeroportit rreth orës 11:15 me orën lokale.
Mësohet se autoritetet po përdorin një helikopter për të gjurmuar dronët dhe pikënisjen e tyre.
Kjo nuk është hera e parë që ndodh diçka e tillë në aeroportin e Frankfurtit, pasi edhe një muaj më parë u pezulluan fluturimet për shkak të dronëve.
