Ndërkohë që demonstrata vazhdon sot për ditën e 13-të radhazi, ashtu siç paralajmëruan edhe studentët këtë të hënë pati përshkallëzim të protestave.
Ata kanë zgjedhur një strategji të veçantë duke bllokuar zona të ndryshme të kryeqytetit, si dhe u kanë vënë drynin fakulteteve të tyre.
Studentët e Arkitekturës bllokuan zonën e “21 Dhjetorit” në shenjë proteste, pasi u mblodhën tek fakulteti dhe nisën marshimin.
Me pankarta në duar, sipas reporterit të “gazetareforma.com” studentët këndojnë në kor himnin kombëtar.
Ndërkohë që më pas formuan një rreth duke mos lejuar asnjë nga automjetet të kalonte. Pavarësisht pranisë së efektivit të policisë, drejtimi i mjeteve u bë i pamundur, duke shkaktuar kaos në trafik.
Burimi: gazetareforma.com
