Një 47-vjeçar nga Lushnja është arrestuar së fundmi nga Policia, pasi ka kërcënuar me thikë një mjeke.
Bëhet fjalë për shtetasin G.K, banues në Ngurrëz të Vogël, i cili ka kanosur me thikë shtetasen me iniciale A.V , mjeke në Qendrën Spitalore në Ngurrëz.
Mësohet se 47-vjeçari ka shkuar në qendrën shëndetësore dhe ka kërkuar ilaçe me rimbursim, mirëpo ilaçet e tij nuk mund të rimbursoheshin, çka ka bërë që ai të përfshihet në një debat me mjeken.
Në debat e sipër 47-vjeçari ka nxjerrë thikën duke kërcënuar mjeken, teksa policia ka bërë të mundur arrestimin e tij në flagrancë, teksa materialet i kaluan Prokurorisë pranë Gjykatës së Shkallës së Parë Lushnje për veprën penale “Kanosje për shkak të detyrës”.
