Ditën e sotme Shqipëria dhe Kanadaja ka ratifikuar marrëveshjen e Sigurimeve Shoqërore.
Ministrja për Evropën dhe Punët e Jashtme, Olta Xhaçka nëpërmjet një reagimi në rrjete sociale bën me dije se tashmë qytetarët e dy vendeve gëzojnë të gjitha përfitimet e kontributeve pas hyrjes në fuqi më 1 gusht.
“Marrëveshja, e cila hyn në fuqi në 1 gusht 2022, u jep qytetarëve të të dy vendeve të drejtën të gëzojnë të gjitha përfitimet e kontributeve të tyre. Marrëveshja për njohjen reciproke të sigurimeve shoqërore u vjen në ndihmë qytetarëve shqiptarë dhe kanadezë në jetojnë e punojnë në vendet respektive, duke koordinuar pagesat dhe përfitimet sipas planeve publike të pensioneve të dy vendeve.”, shkruan ajo.
Gjithashtu Kryeministri Edi Rama, ka reaguar pas ratifikimit të marrëveshjes me Kanadanë për njohjen reciproke të Sigurimeve Shoqërore me Shqipërinë.
Rama shprehet se tashmë kjo marrëveshje e cila hyn në fuqi më 1 gusht, u jep të të drejtë qytetarëve të gëzojnë të gjitha përfitimet e kontributeve të tyre për pensionet.
Statusi:
“SUPERLAJM
Kanadaja përfundoi procedurat e brendshme për hyrjen në fuqi të Marrëveshjes për njohjen reciproke të Sigurimeve Shoqërore me Shqipërinë
Kjo marrëveshje, e cila hyn në fuqi në 1 gusht 2022, u jep të drejtë qytetarëve të gëzojnë të gjitha përfitimet e kontributeve të tyre për pensionet”, shkruan Rama.
