Avokatja e Popullit, Erinda Ballanca, ka kërkuar në Komisionin e Ligjeve një shtesë buxhetore për një komisioner të ri, i cili do të mbikëqyrë respektimin e të drejtave të njeriut në kampin e Gjadrit.
Ballanca njoftoi se institucioni i Avokatit të Popullit ka zhvilluar disa takime me homologët italianë, duke synuar një bashkëpunim për mbrojtjen dhe garantimin e të drejtave themelore në këtë kamp.
Ajo theksoi se është duke u qartësuar pozicioni i tyre dhe po planifikohet që ekipet të punojnë së bashku për të siguruar një mbikëqyrje të përbashkët. “Secili do të ketë mundësi të paraqesë gjetjet e veta sa i takon të drejtave të njeriut,” tha Ballanca, duke nënvizuar rëndësinë e këtij bashkëpunimi ndërkombëtar për garantimin e të drejtave të individëve të pranishëm në kamp.
