Ditën e some një ngjarje e paprecedentë ka ndodhur në zonën e Pallatit me Shigjeta në Tiranë. Një kamion është përfshirë nga flakët teksa ishte në lëvizje në afërsi të nënkalimit te Fabrika e Miellit. Mësohet se mjeti i tonazhit të rëndë, është përfshirë nga flakët në rrugën që të çon drejt Unazës së Re, pranë “Pallatit me Shigjeta”.
Zjarri ka shkaktuar fatmirësisht vetëm dëme matriale, teksa automjetet përreth dhe qytetarët janë alarmuar për gjendjen e krijuar si pasojë e tymit masiv.
Theksojmë se ende nuk dihet ende shkaku i zjarrit që është i përmasave të mëdha ndërsa nuk dihet akoma se si është gjendja e shoferit.
Ndërkohë që grupi hetimor ndodhet në vendngjarje dhe po punon për përcaktimin e shkaqeve të rënies së zjarrit në mjetin e tonazhit të rëndë.
Njoftimi i Plotë i Policisë së Shtetit:
Tiranë/Informacion paraprak
Me datë 08.11.2022, në afërsi të nënkalimit te Fabrika e Miellit, ka marrë flakë në lëvizje e sipër dhe është djegur pjesërisht mjeti tip kamion me drejtues shtetasin O. K. Si pasojë e zjarrit ka vetëm dëme materiale. Paraprakisht dyshohet se zjarri ka rënë si pasojë e një defekti në mjet.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
