Ditën e sotme nëj aksident i rëndë ka ndodhur në Vlorë, ku kamioni i firmës që ndërton Bypas-in është rrëzuar. Si pasojë ka humbur jetën shoferi, ndërkohë që tashmë është konfirmuar edhe viktima e dytë, që është pasagjeri.
Pra ëhstë rënduar bilanci nga aksident i rëndë i ndodhur pak çaste më parë në bypassin e Orikum-Kaninë, në Vlorë.
Kujtojmë që policia njoftoi paraprakisht se pasagjeri kishte mbetur nën inerte.
Në pamjet e rënda nga vendngjarja shihet kamioni i rrënuar dhe i bërë “copë-copë”.
Bëhet e ditur se aksident i rëndë është regjistruar ‘by pasin’ Orikum-Kaninë në Vlorë, në orën 10:40. Mësohet se kamioni i përket kompanisë që ka fituar tenderin për ndërtimin e këtij aksi rrugor. Për momentin nuk dihen ende identitetet e personave që ishin në mjet, gjatë momentit të aksidentit tragjik.
Sakaq grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
Njoftimi i policisë:
Vlorë/Informacion paraprak
Më datë 16.05.2022, rreth orës 10:40, në bypasin Orikum-Kaninë, duke punuar, është rrezuar një kamion, ku dyshohet se drejtuesi kamionit ka ndërruar jetë, ndërsa pasagjeri nuk gjendet për shkak të rënieve të inerteve.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
