Mjeku Artan Koni ka reaguar për aktin normativ të qeverisë që rishikon marrjen e vaksinave ruse e kineze nga vendi ynë. Koni shkruan se i ka rekomanduar vaksinat ruse e kineze ndërsa e ka përshëndetur vendimin e sotëm të qeverisë. Sipas mjekut ai ka hasur në kundërshtime kur e ka bërë këtë rekomandim dhe argumenti kryesor që përdornin anëtarët e Komitetit Teknik ishte : “Ne nuk mund te marrim vaksina qe nuk jane certifikuar nga EMA”. Artan Koni ka 3 pyetje për këtë ndryshim të papritur të qëndrimit, edhe pse vaksinat e lindjes ishin kundërshtuar me aq zell. Mjeku pyet nëse është dikush që ndjen përgjegjësi morale për jetët që mund të ishin shpëtuar me këto vaksina dhe i rekomandon të gjithë profesionistëve të mbajnë qëndrimin e tyre për këtë çështje pasi në fund triumfone drejta.
Postimi i plotë:
Pershendes vendimin e sotem qe i hap rruge negociatave per te blere me shume vaksina.
Personalisht kam rreth 6 muaj qe rekomandoj negociata per te marre vaksinat Ruse e Kineze. I gjendur perballe anetareve te komitetit teknik ne studio te ndryshme televizive, jam hasur shpesh me kundershtime te forta qe kishin ne thelb fjaline: “Ne nuk mund te marrim vaksina qe nuk jane certifikuar nga EMA”.
1- Perse ky akt normativ nuk e permend fare EMA-n, cfare ndryshoi?
2- A ndjejne anetaret e komitetit teknik ndonje keqardhje qe u bene shkas per humbje kohe te cmuar?
3- A ka ndonje nga ata qe ndjen pergjegjesi morale per jetet te cilat mund te ishin shpetuar nese do siguroheshin me heret keto vaksina?
Gjithsesi, me mire vone se kurre…por me vjen keq qe mbetem duke i bere te gjitha punet ne momentin e fundit. Do i rekomandoja te gjithe profesionisteve te mbajne qendrimet e tyre, pavaresisht kundershtimeve te momentit…sepse ne fund te dites e drejta triumfon mbi te padrejten, pergjegjesia morale qe kemi ndaj popullit tone mposht cdo interes politik te momentit !!
