Kandidati për kreun e PD, Fatbardh Kadilli ka folur për mediat pasi ka votuar në selinë blu. Ai ka deklaruar se ky është një moment i rëndësishëm për PD-në dhe I ka ftuar anëtarët e saj të marrin pjesë në votime, pasi e duan këtë parti dhe duan të ringrihet. Kadilli tha se kjo garë u mbyll e pabarabartë, ashtu siç nisi, por ai është i lumtur që ndezi shkëndijën e parë të saj.
“Është një moment i rëndësishëm për PD dhe anëtarët e saj i ftoj të gjithë të marrin pjesë në votim sepse e duam këtë parti dhe duam të ringrihet. Është një garë që u mbyll siç u nis e pabarabartë por jam i lumtur që ndeza shkëndijën e parë të saj. Ndeza kurajon. Manifesti për ta bërë partinë të pastër të hapur të bashkuar do vazhdojë.
Në përgjithësi i rri larg këtyre provceseve, procesi i vërtetë është fryma me të cilin do dalin demokratët. Është hera e parë që një forcë politike shtrëngohet në pak kohë që të reflektojë shumë”, tha Kadilli.
Zgjedhjet në PD kanë nisur ditën e sotme në orën 08:00 dhe pritet të mbyllen në orën 19:00. Në garë janë Lulzim Basha, Fatbardh Kadilli, Edit Harxhi dhe Agron Shehaj.
