Ditën e sotme radhën, Blendi Gonxhja, drejtori i Drejtorisë së Përgjithshme të Transportit Rrugor (DPSHTRR) është paraqitur në SPAK.
Pasi qëndroi për rreth 1 orë në ambientet e e Gjykatës së Posaçme Antikorrupsion kreu i DPSHTRR, Blendi Gonxhja sqaroi se ishte thirrur për një verifikim për një çështje të tretë, e cila nuk ka lidhje me funksionin e tij aktual në DPSHTRR.
“Respekt të gjithëve ju se është 41 gradë. Nuk më pyeti njeri dhe s’keni pse vraponi. S’ka lidhje DPSHTRR me arsyen pse isha, për një çështje të tretë se u pyeta për sqarim. Është çështje që nuk ka lidhje fare me Ministrinë që varem, as me rrugët as me DPËSHTRR. As nuk erdha nga dera e pasme, thjesht ju pashë që vrapuat ndaj për respekt. Megjithatë unë përfaqësoj një figurë publike, nuk mund të jap detaje. U pyeta për verifikim të një situatë të caktuar,. Nuk ka lidhje me asnjë tender, asnjë lloj gjëje dhe me asnjë institucion”, tha Gonxhe
Kujtojmë që Nisma “Thurje” dy vite më parë kallëzoi në Strukturën e Posaçme Anti-korrupsion (SPAK) Drejtorinë e Shërbimeve të Transportit Rrugor (DPSHTRR), Blendi Gonxhja për shpërdorim detyre dhe shkelje të barazisë në tenderë. Në kallëzimin e depozituar në SPAK, Nisma Thurje i kërkon prokurorëve të hetojë në mënyrë të thelluar gjithë procedurat e zhvillimit të tenderave publik që lidhen me kompanitë që zotëron, apo lidhen me zotin Gonxhja.
