Kuvendi i Shqipërisë është ndezur nga debatet, pas reagimit të presidentit, Ilir Meta, i cili i kërkonte këtij organi, të zgjidhte pa humbur kohë gjyqtarin e dytë të Gjykatës Kushtetuese.
Socialsitët e kanë quajtur një debat politikë reagimin e Metës, ndërsa opozita parlamentare është përçarë.
Kreu i Grupit Parlamentar të PS, Taulant Balla, reagoi ashpër nga foltorja e Kuvendit.
Ai akuzoi Metën, se kërkon të vendosë në Kushtetuese në person të besuar, që është bashkëjetuesja e ish-deputetit demokrat, Enkelejd Alibeaj.
Më tej Balla i është drejtuar Metës, duke i thënë të heqë maskën e të flasë troç.
Balla akuzoi Presidentin se do të dërgojë në Kushtetuese një person të njohur për të që është bashkëjetuesja e ish-deputetit të PD Enkelejd Alibeaj. Ai i kërkoi që të heqë maskën dhe të flasë troç.
“Ky është një lajm i mirë për rrugën tonë europiane. Presidenti bën mirë të heqë maskën dhe të dalë të flasë troç. Presidenti nuk ka hallin e afatit, presidenti ka ngulmuar që lista nga KED t’i shkojë me 4 veta sepse ka parë që e katërta e renditur është një person që presidenti ka besim. E ka të njohur. Presidenti ka hall të çojë në Kushtetuese bashkëjetuesen e Alibeajt. Kjo është troç, lërini dënglat. Presidenti nuk ka hall as afatin kushtetues, as kritere, as të këndojë atë këngën ‘e kam unë e ke ti’. Presidenti nuk ka të drejtë të bëjë të tretin. Të tretin e ka Gjykata e Lartë që do të thotë që ne duhet të presim, por ky parim zbatohet kur Kushtetuesja i ka të 9 anëtarët. Këtu nuk bëhet fjalë që kemi 9, këtu bëhet fjalë që kemi vetëm një dhe ky me mandat të përfunduar dhe kemi 8 vakanca”, deklaroi Balla.
