Në parim Andrea Pirlo mund të qëndrojë në krye të Juventusit nëse do të arrijë objektivin minimal për t’u kualifikuar në Champions League. Ashtu sikurse, edhe vitin e kaluar Sarri duhet të kishte qëndruar në stolin bardhezi në një situatë të ngjashme. Por këtyre fjalëve nuk u beson më askush.
E ardhmja e Pirlos është e vendosur dhe mund të zgjidhet që këtë të dielë në Udine, ku skuadrën mund ta drejtojë përkohësisht Tudor dhe në pritje të trajnerit të ardhshëm…. i cili vjen në fakt nga e shkuara: Massimiliano Allegri.
Në shtëpinë bardhezi ka ardhur momentin për t’u kthyer te fitoret dhe ky është motivi që ka shtyrë drejtuesit bardhezi të kthehen te trajneri me të cilin kishin fituar pesë tituj kampionë radhazi. Maks është prej dy vitesh i lirë, qyshkur u detyrua t’i jepte lamtumirën Juventusit pas një bisede me presidentin Andrea Agnelli.
Juventusi aktual është gjithsesi i ndryshëm nga ai i verës së kaluar, por është e qartë që trajneri i ri do të kërkojë përforcime me peshë për ta rikthyer në nivelet më më të larta skuadrën, ndonëse llogaritë imponojnë shpenzime jo të mëdha për shkak të siatutës.
Allegri, gjatë viteve të fundit, ka refuzuar disa oferta prestigjioze dhe ka qenë shumë pranë Interit në periudhën e përplasjeve të Contes me drejtuesit zikaltër. Prej disa muajsh është i fokusuar vetëm në një objektiv: të rikthejë Juventusin në majë.
