Zona të gjera në jug të Rusisë janë përmbytur si pasojë e shirave të dëndura, duke bërë që më shumë se 1500 persona të evakuohen.
Autoritetet në rajonin e Krasnodarit thanë të shtunën se më shumë se 1,400 shtëpi janë përmbytur pas stuhive dhe shirave të dendur që përfshinë zonën këtë javë. Rreth 108,000 banorë të 11 vendbanimeve mbetën pa energji elektrike.
Shtabi rajonal i urgjencës tha se gjithsej 1,531 njerëz janë evakuuar. Qyteti turistik i Detit të Zi, Anapa ishte ndër më të prekurit.
Zyrtarët e urgjencës kanë paralajmëruar se reshjet e dendura të shiut pritet të vazhdojnë edhe për dy ditë të tjera.
Presidenti rus, Vladimir Putin i quajti përmbytjet dhe zjarret të paprecedenta dhe tha se duhet punuar sistematikisht për ndryshimet klimatike.
Veç përmbytjeve, Rusia është goditur edhe nga zjarret në veri. Zjarret masive në Siberi kanë djegur miliona hektarë tokë, ndërsa më shumë zjarrfikës janë vënë në gatishmëri për të luftuar me flakët.
Por Rusia nuk është i vetmi vend që është goditur nga përmbytjet. Përtej Detit të Zi në jug, Turqia është goditur nga reshjet e mëdha të shiut dhe përmbytjet këtë javë që kanë vrarë të paktën 44 persona dhe të tjerë janë zhdukur. Këtë muaj Turqisë i është dashur të luftojë zjarret e mëdha në jug. Tetë njerëz vdiqën dhe më shumë se 100,000 hektarë (247,000 hektarë) bimësi u shkatërruan.
