Policia e Kufirit të Portit të Durrësit ka ndaluar eti një sasi të madhe parash në 2 kamionë. Mjete shërbenin për transportimin e makinave nga Italia në Shqipëri.
Nga kontrolli i imtësishëm në kamion, u gjetën të fshehura në pjesë të ndryshme të mjetit një sasi vlere monetare prej 282.265 eurosh.
Në vijim të veprimeve u arrestua në flagrancë Ferdinant Murikaj 29 vjeç dhe është shpallur në kërkim Erjon Jovani.
Policia ka vijuar me kontrollin e automjetit tjetër me drejtues shtetasin A. L., ku në çantën personale të tij, u gjetën dhe sekuestruan 11.765 euro.
36-vjeçari Erjon Jovani është pronari i firmës që ka në pronësi kamionin e kapur me sasinë eurove të sekuestruar në Portin e Durrësit. 4 vite më parë ai u arrestua pasi u zbulua po në këtë port me 190 kilogramë kanabis.
Erjon Jovani, banues në qytetin bregdetar, u akuzua se në bashkëpunim me drejtuesin e kamionit, Erblin Tuka, i arrestuar në flagrancë, kanë tentuar të trafikojnë drejt Italisë lëndën narkotike.
Ngjarja ka ndodhur në 30 nëntor të 2016, ku kamioni u dërgua për te skaneri dhe rezultoi se në dyshemenë e tij kishte 158 pako me peshë rreth 190 kg kanabis.
/GazetaReforma.com/
