Kreu i Komisionit të Prokurimeve Publike, Jonaid Myzyri, është paraqitur sot në SPAK për herë të tretë.
Ende nuk është bërë e ditur arsyeja e thirrjes së tij në Prokurorinë e Posaçme, dhe nuk ka një njoftim zyrtar për temën e seancës.
Megjithatë, mendohet se dëshmia e tij do të lidhet me prokurimet që ai ka firmosur.
Më 7 prill, Myzyri qëndroi për më shumë se dy orë në ambientet e Prokurorisë, por nuk ka dhënë asnjë deklaratë për mediat.
Ai është në këtë post që nga viti 2020, dhe Komisioni i Prokurimeve Publike është organi kryesor administrativ për shqyrtimin e ankesave lidhur me procedurat e prokurimit publik, koncesionet, partneritetet publik-private, ankandet dhe procedurat për dhënien e lejeve minerare.
