Joe Biden është shfaqur për herë të parë në publik pas njoftimit për diagnostikimin me kancer të prostatës, duke marrë pjesë në ceremoninë e diplomimit të nipit të tij.
Të premten, ai dhe bashkëshortja Jill Biden morën pjesë në festimet për përfundimin e shkollës së mesme nga Robert Hunter Biden II, nipi i ish-presidentit, i cili u diplomua në “Salisbury School” në Connecticut.
Në rrjetet sociale, ish-zonja e parë Jill Biden dhe vajza e çiftit presidencial, Ashley Biden, publikuan fotografi nga ceremonia. Në njërën prej tyre, Jill dhe Joe Biden shihen duke festuar me familjarët.
“Gjyshja dhe gjyshi krenarë! Urime Hunter jemi shumë krenarë për ty”, shkruajti Jill Biden në përshkrimin e njërës prej fotografive në Instagram.
