Mjeku i njohur pëllumb Pipero rezultoi pozitiv me koronaviurs, pasi dy javë më parë mori dozën e parë të vaksinës kundër COVID-19.
Lajmi për infektimin e mjekut u konfirmua dje dhe mësohet se ai ndodhet në shtëpi dhe po merr trajtimin e nevojshëm.
Ende nuk është e qartë nëse Pipero është i infektuar apo ka dalë pozitivë për shkak të kryerjes së vaksinës në datë 11 janar. Brenda 72 orëve mjeku do të bëjë një tampon tjetër për të kuptuar nëse është prekur nga COVID.
Por sipas abcneës.al, Pëllumb Pipero nuk është i vetmi mjek që është vaksinuar dhe ka shfaqur simptoma tipike të koronavirusit. Sipas medias në fjalë janë edhe mjekë të tjerë që pas bërjes së vaksinës kanë pasur kollë e temperaturë.
Kujtojmë që dy javë më parë në vendin tonë nisi procesi i vaksinimit në Stadiumin “Air Albania”. Ishte mjekja Najada Çomo ajo që mori e para vaksinën e pas saj u vaksinua edhe kryeministri Rama.
Vaksina e koronavirusit mund të jap simptoma të ngjashme me vetë virusin pasi në trup injektohen proteina që COVID-19 i ka në ADN. Gjithsesi vaksina nuk mbron nga infektimi, ajo mundëson krijimin e antitrupave dhe në momentin që organizmi preket nga virusi ai është më i mbrojtur.
Nuk e dimë nëse rasti i doktor Piperos është i njëjti dhe nuk dimë ende asgjë për prejardhjen e vaksinave. Qeveria e ka shoqëruar procesin me mister dhe nuk ka bërë publike shumë informacione.
