Është larguar këtë të martë nga posti i ministrit të Brendshëm, Bledi Çuçi. Postin e ministrit të Brendshëm deri në datën 30 prill do ta marrë Besfort Lamallari. Ky vendim ka dalë nga një urdhër i dhënë nga vetë Çuçi.
Urdhëri ka lidhje me fushatën zgjedhore, pasi Bledi Çuçi kandidon për deputet në Qarkun e Gjirokastrës. Aktualisht zëvendësuesi i tij Lamallari është në pozicionin e zv.ministrit të Brendshëm.
Kujtojmë se i fundit që e mbante këtë post ka qenë Sandër Lleshaj. Ai dha dorëhejqen nga detyra e ministrit të Brendshëm pas vrasjes së 25 vjeçarit Klodian Rasha nga një efektiv i forcave “Shqiponja” në orët e para të mëngjesit të 8 dhjetorit, në zonën e Laprakës në Tiranë.
“Janë këto arsye që më kanë bindur se TANI ËSHTË MOMENTI për të mbyllur një kapitull angazhimi në krye të Ministrisë së Brendshme, me brengë në shpirt për humbjen e padrejtë të jetës së një djali të ri, i qetë për trajtimin e drejtë të ngjarjes dhe krenar për vendosjen e një standardi diametralisht të kundërt me atë të autorëve të 21 janarit 2011. Edhe sot jam përballë dilemës së fillimit, por në një kuptim tjetër. Nëse në fillim e pranova këtë post për të mos treguar dobësi, sot, në rrethanat e krijuara, dobësi do të ishte ngulmimi për të qëndruar.:, është shprehur Lleshaj në fjalimin e dorëheqjes.
