Edmond Rrushi ka dhënë dorëheqjen nga posti i kreut të Autoritetit Kombëtar të Ushqimit.
Ish-deputeti i PD-së, i cili mori këtë detyrë pas Keta Dedës, nuk ka bërë të ditura arsyet e dorëheqjes, por burime jozyrtare thonë se ai pritet të kandidojë për deputet në zgjedhjet parlamentare të 11 majit.
Në vend të tij, drejtimin e AKU-së e ka marrë Olsi Komici, ish-komisioner në Komisionin e Pavarur të Kualifikimi.
Komici ka qenë pjesë e procesit të vetingut, ku së bashku me kolegët e tij ka vendosur për shkarkimin e disa prokurorëve dhe gjyqtarëve.
Pas përfundimit të mandatit, ai dhe kolegët kanë shprehur interes për t’u bërë pjesë e sistemit të drejtësisë, duke synuar Gjykatën e Apelit, Gjykatën e Lartë apo edhe atë Kushtetuese.
