Jep dorëheqjen kreu i partisë “Fryma Demokratike”, Bamir Topi. Në letrën që qarkullon në media, njoftohet dorëheqja e tij si kryetar i këtij subjekti politik.
“Në shprehje të vullnetit TIM, deklaroj dorëheqjen në mënyrë të menjëhershme dhe të parevokueshme, nga detyra e Kryetarit të Partisë “Fryma e re Demokratike”, thuhet në letrën e dorëheqjes.
Ky vendim vjen një ditë pasi FRD firmosis marrëveshjen me kreun e PD, Lulzim Bashën.
Kujtojmë se një lëvizje surprizë në kampin opozitar ishte ajo e ish-presidentit Bamir Topi. Dje në selinë blu, kreu i Partisë Demokratike, Lulzim Basha priti për të frimosur marrëveshjen e koalicionit, pasi ishte dhe afati i fundit i përcaktuar nga KQZ.
Partitë e tjera opozitare, PD dhe LSI e kanë parë si mënyrë të maksimizimit të votës së qytetarëve daljen me dy lista në këto zgjedhje, por në koalicion pas zgjedhor.
Ngërci mes Lulzim Bashës dhe kreut të “Partisë Republikane” Fatmir Mediu u zgjidh dje me firmosjen e koalicionit në zgjedhjet e 25 Prillit. Republikani u shpreh se koalcioni opozitar nuk është thjesht përfshirje e partive politike te PD, por një koalicion ku qendra është Partia Demokratike.
Sa i përket partisë Socialiste të kryesuar nga kryeministri Edi Rama, mësohet se në këto zgjedhje do të dal e vetme.
Partia për Drejtësi Integrim dhe Unitet, Partia Agrare Ambientaliste, Partia Republikane, Lëvizja për Zhvillim Kombëtar dhe Demokristianët do të jenë pjesë e Listës së Partisë Demorkatike
