Ditën e sotme kryeministri Edi Rama në një takim me të rinjtë në Korçë ka cekur dhe fenomenin e emigrimit. Në një botë të lirë si sot, çdo kush e ka të drejtën ta provojë veten përtej oqeanit thotë kryeministri, por megjithatë nga këto iluzione që përcjell Iphone, nuk është gjithçka sikurse duket.
Sipas Ramës, në Gjermani ndonëse mund të gjesh çdo gjë, vështirësia qëndron në të gjeturit një “moment relaksi”, ose të pirit një kafe siç mund ta bësh në Shqipëri. Sakaq, hapja e Shqipërisë ka sjellë tashmë dhe investues të huaj dhe ky është një fakt, sipas të cilit kryeministri Edi Rama premton që qytetarët shqiptarë kanë për të përfituar shumë prej kësaj.
Edi Rama: Në Gjermani mund të gjesh çdo gjë, por një kafe të mirë nuk e gjen dot. Çdo kush ka të drejtën të kapërceje dete oqeane ta provojë veten në realitete të tjera. Jemi në një botë të hapur sot, jo më në një bunkier, po gjithashtu dhe në një botë të vogël. Iluzioni i të qenit pjesë e botës, pavarësisht se jemi larg, të bën të duash atë që shikosh në ekranin e Iphone. Bashkëjetojmë dhe s’kemi rrugë tjetër, po një gjë është e sigurt, Shqipëria sa vjen dhe po bëhet më e mirë. Hapja e Shqipërisë në sytë e botës, për t’u parë e vizituar edhe për t’u bërë biznes është një fakt, nga i cili do përfitojmë shumë. Këtu po bëhen investime të rëndësishme.
