Jasir Asani një nga lojtarët më fantastik të kombëtares shqiptare, i cili pa dyshim ka merita për kualifikimin në EURO 2024. Golat e tij fantastik bënë krenar çdo shqiptar
Sulmuesi 28-vjeçar, i lindur në Shkup në një intervistë për “Dueli Sportiv”, në RTV Dukagjini, foli për momentin kur e kuptoi se do luante për vendin e tij.
”Kur largohesh për në Kore të Jugut je më larg Kombëtares, mendova se nuk do të më vijë asnjëherë ftesa e Kombëtares, sepse ika nga Evropa dhe është shumë e vështirë. Gjithsesi, puna dhe sakrifica që kam bërë, e meritoja një ftesë që ta tregoja veten time si futbollist, a ia vlen të jem pjesë e Kombëtares apo jo.”
”Gjithsesi, kur erdh ftesa nuk kam flejtur gjumë s’bëhet fjalë, është një emocion shumë i madh që nuk mund ta përshkruash nëse nuk e vesh këtë fanellë ose ftesa nga Kombëtarja kur e pret,” tha ai.
