Të gjithë u shqetësuan sot, pasi Ministria e Shëndetësisë raportoi shifrën më të lartë të rasteve të reja me Covid-19 brenda 24 orëve prej nisjes së epidemisë, 36 të infektuar.
E bashkë me numrin e të prekurve është rritur edhe numri i të shtruarve në spitalin Infektiv, ku janë 41 pacientë, 2 prej të cilëve janë në intubim, ndërsa 4 në terapi intensive.
Rreth kësaj panorsme shqetësuese ka folur së fundmi, kreu i Urgjencës Kombëtare Skënder Brataj, i cila tha se pritej shtimi i rasteve në mënyrë fiziologjike të rasteve me Covid-19 me hapjen e vendit dhe lehtësimin e masave.
I ftuar në Fax Web, Brataj e ka vënë theksin tek shtimi i masave të personave me Covid-19 dhe ajo çfarë e shkaktoi sipas tij një gjë të tillë që është neglizhenca në disa raste edhe e personelit shëndetësor.
“Njerëzit janë të lirë të lëvizin, por është më i pamundur kontrolli kur ndodh kjo. Nëse thonim pse të mos i lejojmë dhe secili të jetë përgjegjës për atë që bën, por po shikojmë se nuk po bëhet ashtu siç duhet. Ka një fluks aq të madh informacionesh, ndoshta bëhet edhe e qëllimshme, përveç atyre që e kanë për detyrë të bëjnë informimin, futen njerëz të tillë, njerëzit mendojnë se ishte një lojë, dhe mendoj se kanë dëmtuar aq shumë opinionin publik dhe popullatën por edhe personelin mjekësor. Kjo periudhë për botën dhe Shqipërinë u përqëndrua tek spitalet Covid, pothuajse u ndërpre çdo aktivitet tjetër. Spitalet e rretheve patën një punë shumë të reduktuar dhe nuk kishin kontakt me pacientët. “
Sipas numrit një të Urgjencës Kombëtare, njerëzit kanë neglizhuar masat e nevojshme të përcaktuara nga OBSH, teksa shtoi se njerëzit duhet të ndërgjegjësohen, pasi virusi është akoma mes nesh dhe nuk ka ikur.
Sipas Bratajt, përgjegjësia personale është edhe kolektive duke thënë se grumbullimet dhe manifestimet nuk bëhen rastësisht.
Ai paralajmëroi se kthimi i masave mbrapa do sillte pasoja të rënda, duke shtuar numrin e pacientëve, teksa rikujtoi se kishim vetëm 14 të sëmurë në Infektiv, tani kanë mbërritur në 41.
“Masa më e rëndësishëm ishte distancimi fizik, mendoj se ka pasur neglizhencë edhe nga stafet mjekësore. Shpresoj që njerëzit të ndërgjegjësohen, virusi është akoma dhe nuk ka ikur. Përgjegjësia personale është edhe kolektive se grumbullimet dhe manifestimet nuk bëhen rastësisht. Ndërgjegjësimi me fjalë duket i këndshëm por kur vihet në praktikë duket i vështirë. Hyra në Gjykatë dhe a ke maskë apo doreza, po i kam. Jo ti kemi me vete por t’i përdorim. Çdo institucion nuk duhet të tolerojë, çdo subjekt apo biznes. Kthimi i masave mbrapa do të dëmtojë ty si biznes pas. Do shtohet numri i pacientëve për pasojë edhe ata do kalonin vetë në kolaps. Mos harrojmë se kishim vetëm 14 të sëmurë në infektiv, tani kanë mbërritur në 41”, tha Brataj.
https://youtu.be/CrqEUXMWYH0
