Grida Duma, ish-deputetja e Partisë Demokratike është shprehur pro idesë për lista të hapura.
E pyetur nga gazetarja Juli Xhokaxhi lidhur me debatin e ditëve të fundit mbi ndryshimin e sistemit dhe hapjes së listave, Duma tha se është pro formulës së konkurrencës.
Listat e hapura sipas saj, duhet të jetë hapi rradhës që duhet diskutuar, por që më parë duhet të garantohet vota e lirë.
“Do të preferoj gjithmonë, dhe do të bëj gjithmonë, ta çoj gjithë kontributin tim drejt konkurrencës. Por edhe në listat e hapura, kryetarët janë ata që rekomandojnë. Le të shkojnë dhe të votojnë shqiptarët për Grida Dumën, apo këdo që ia shohin emrin, ne duhet t’i vendosim në pozita konkurrenciale. Nuk jam e vetmja që kam folur për këtë formulë konkurrencialiteti, por qëndroj në kollonën që kjo nis nga vota e lirë. Listat e hapura duhet të jenë hapi i radhës që duhet diskutuar. Qëndroj plotësisht në linjën e ngulmimit të luftës që ne duhet të sigurojmë votën e lirë,” u shpreh Grida Duma.
Gjithashtu ish-deputetja foli edhe për djegien e mandateve nga opozita duke e cilësuar si një fitore nga pikëpamja reale.
“Opozita e braktisi parlamentin dhe ajo ishte një vendimmarrje e vështirë. Nga pikëpamja formale nuk fitoi asgjë, por fitoi nga pikëpamja reale”
