Javën që lamë pas kryeministri Rama lajmëroi lehtësimin e një sërë masash të marra në kuadër të parandalimit të përhapjes së koronavirusit, mes të cilave edhe faljen e gjobave për këmbësorët dhe drejtuesit e mjeteve.
Rama bën lëshime të mëdha: Ja vendimet e reja që komunikoi kryeministri sot
Por, si do të bëhet shpërndarja e patentave, makinave të bllokuara dhe rikthimi i parave për ata persona që kanë bërë pagesat e gjobave?
- Të gjitha institucionet shtetërore duhet të dërgojnë listat e personave ndaj të cilëve është vendosur masa administrative me gjobë, duke përfshirë shumën si dhe të dhënat e nevojshme për kthimin e saj brenda datës 30 prill 2020, raporton Top Channel.
- Ndërsa 15 maji është afati për kthimin e të gjithë patentave dhe makinave.
- Ndërsa të gjitha masat administrative me karakter ndëshkues, përjashtuar ato të parashikuara në nenin 2 të këtij akti normativ si lejet/licensat dhe mjetet e bllokuara, duhet të kthehen brenda datës 15 maj 2020, te subjekti perfitues.
Megjithatë këtë javë, pas miratimit të akteve të brendshme, do të nisë aplikimi i gjobave pa kthim pas, as për këmbësorët e as për drejtuesit e mjeteve, deri në përfundim të pandemisë.
