Të gjithëve na pëlqen që të flemë pak orë më shumë por për shkak të angazhimeve që kemi i sakrifikojmë orët e plota që duhet të bëjmë.
Sipas ekspertëve një njeriu i duhet të flejë 8 orë të plota, por jo të gjithë e realizojmë këtë orar.
Nëse është kështu, atëherë duhet të keni parasysh se mungesa e gjumit vetëm nuk është e mirë për trupin tuaj. Në fakt, nëse fle më pak se 6 orë, atëherë sipas studimeve përkatëse je i ekspozuar ndaj rreziqeve për shëndetin tënd.
Këtu janë disa nga pasojat e mungesës së gjumit:
Dehidratimi
Sipas hulumtimeve të fundit, kur trupi nuk plotëson të paktën 8 orët e nevojshme, ai dehidrohet gradualisht. Dhe këtë mund ta kuptoni me ndjenjën e lodhjes që keni gjatë ditës, për shkak të dehidratimit të trupit. Prandaj, kur flini disa orë, sigurohuni të pini më shumë ujë gjatë ditës.
Shtim në peshë
Heqja kronike e gjumit rrit rrezikun e mbipeshes me 15%, sipas studimit. Kjo sepse hormoni leptin zvogëlohet, gjë që sinjalizon se jemi të ngopur dhe rrit hormonin që stimulon urinë, grelinën.
Plakja e parakohshme
Nuk është një mit që ju “thyheni” më shpejt, nëse flini më pak. Sipas hulumtimeve përkatëse, ata që flenë disa orë kanë shenja të rritura të plakjes së lëkurës.
Kujtesë e dobët
Sipas ekspertëve, rrugët midis qelizave të trurit krijohen gjatë gjumit. Kështu, tek ata që flenë disa orë, gatishmëria dhe përqendrimi mund të bien deri në 32%.
Sëmundje të zemrës
Mungesa e gjumit për një kohë të gjatë shoqërohet me presion të lartë të gjakut dhe nivele më të larta të inflamacionit. Si rezultat, rreziku i shfaqjes së sëmundjeve të zemrës rritet në planin afatgjatë.
