Shpërthime të reja janë regjistruar në disa zona të Iranit, teksa tensionet në Lindjen e Mesme vijojnë të përshkallëzohen.
Forcat Ajrore të Izraelit kanë konfirmuar se po vazhdojnë ofensivën ndaj objektivave strategjike brenda territorit iranian, duke synuar lëshues raketash dhe infrastrukturë të rëndësishme ushtarake.
Sipas televizionit shtetëror iranian IRIB, sulmet janë shtrirë edhe në qytetin Karaj, në perëndim të Teheranit, ndërsa mediat raportojnë shpërthime pranë centralit bërthamor Fordow, afër qytetit Qom.
Në jug të kryeqytetit iranian, forcat e mbrojtjes ajrore të vendit raportohet se kanë arritur të neutralizojnë disa raketa, sipas burimeve nga Press TV.
Situata mbetet e paqëndrueshme, ndërsa vëzhguesit ndërkombëtarë paralajmërojnë për rrezikun e një përshkallëzimi të mëtejshëm rajonal.
