Mëngjesin e sotëm një ngjraje e rëndë është parandaluar në bregdetin e Durrësit. Mësohet se salla operative e portit të Durrësit mori sinjalin për rënien në cekëtinë të mjetit turistik ‘Ziacanaia’, ku në bord ishin 6 shtetas italian. Kjo i ka detyruar italianët të kërkojnë ndihmë. Po ashtu bëhet e ditur se jahti po lundronte nga Marina Punta Faro, Itali, drejt Shqipërisë.
Ndërkohë kujtojmë që pak ditë më parë një jaht është mbytur në zonën e Zvërnecit, në Vlorë. Jahti me katër persona në bord, mes tyre një fëmijë, kur ka hyrë në gjirin e Zvërnecit për t’u afruar plazhit ka goditur një shkëmb nën ujë, pasi nuk e njihnin zonën. Ato kanë dalë me not në breg pa asnjë dëmtim. Italianët fajsuan autoritetet shqiptare në lidhje me ngjarjen.
Njoftimi i Autoritetit Portual Durrës
Në orët e para të mëngjesit të sotëm, autoritet tona detare kanë marë sinjal për rënien në cekëtinë të mjetit turistik “Ziacanaia” që po lundronte nga Marina Punta Faro(Itali)🇮🇹 drejt vendit tonë🇦🇱. I menjëhershëm ka qënë reagimi i autoriteteve detare, Kapitenerisë së Portit, Rojes Bregdetare, Policisë Kufitare për dhënien e ndihmës për mjetin lundrues. Falë angazhimi të menjëhershëm dhe të emergjencave tona civile, është bërë e mundur dhënia e ndihmës dhe akostimi i jahtit në kalatën 4 të Portit të Durrësit.
6 antarët e ekuipazhit, shtetas italianë, janë në gjëndje të mirë shëndetësore, ndërsa ambulanca e APD-së ishte në gatishmëri për çdo nevojë të mundshme shëndetësore
