Koronavirusi në Itali vijon të përhapet me shpejtësi duke rikthyer edhe njëherë alarmin e muajve të pranverës për vendin.
Vetëm gjatë ditës së sotme autoritetet italiane kanë raportuar se nga 124686 testime të kryera kanë rezultuar pozitive me Covid-19 17012 persona
Ndërkohë kanë ndërruar jetë 141 persona të prekur me koronavirus, duke shënuar rritje krahasuar me të dielën kur u raportuan 128 të vdekur.Në kujdesin intensiv, shtrimet janë akoma në rritje: 76 persona më shumë u regjistruan. Sipas buletinit të fundit të të dhënave lidhur me Covid, shkalla e pozitivitetit qëndron në 13.6%, me rritje prej 0.5%.
Një lajm i mirë vjen nga të shëruarit pasi në këto 24 orët e fundit kanë fituar betejën me Covid-19, 2423.
Kujtojmë se për shkak të rritjes së madhe të të infektuarve dhe viktimave nga Covid-19, në Itali janë rikthyer masat kufizuese të cilat hynë në fuqi sot dhe janë të vlefshme deri më 24 nëntor.
