Shqipëria dhe Italia nuk arritën dot të merrnin dritën jeshile për hapjen e negociatave me BE-në.
Pavarësisht përkrahjes së 25 shteteve, ishte Franca ajo që vuri veton për “jo”, ndërsa kundra ishin edhe Holanda me Danimarkën.
Ndër shtetet që votuan pro hapjes së negociatave, ishte edhe fqinji ynë Italia.
Kryeministri italian Giuseppe Conte, pritet t’i paraqesë një propozim BE-së, për të shqyrtuar edhe njëherë në nëntor hapjen e negociatave, shkruan “Top Channel”.
Çështja e zgjerimit ishte në krye të agjendës italiane gjatë samitit të djeshëm, por çështja nuk u diskutua fare.
Ndër të tjera, shefi i qeverisë Italiane, e quajti si shumë kolegë të tjerë, gabim historik veton franceze për Shqipërinë dhe Maqedonin e Veriut.
Sipas tij, ky vendim i Macron, do t’i hapë rrugë aktorëve të tjerë, që do të rrisin influencën në Ballkanin perëndimor.
