Më 10 prill kryeministri italian Giuseppe Conte ka njoftuar zgjatjen e izolimit të vendit deri në 3 maj, duke u shprehur se masat e marra kanë dhënë fryte, por nuk duhet të rrezikojnë, duke çuar në rritjen e numrit të viktimave.
LEXO: Dekreti i ri/ Italia e “kyçur” deri më 3 maj, Conte: “Nuk mund të rrezikojmë më shumë”
Teksa ditët kanë kaluar dhe data e hapjes është shumë pranë, sot Giussepe Conte ka bërë të ditur masat e reja lehtësuese, ku pritet të hapen industritë prodhuese dhe të ndërtimit, ndërsa sa i përket shkollave do të hapen në shtator.
“Me dekretin e ri do të shpallim një program rimëkëmbjeje edhe për aktivitetet e mbetura ekonomike, edhe nëse parashikoj që hapen para kohe baret dhe restorantet, ato nuk do të rihapen më 4 maj. Ne sidoqoftë jemi duke punuar për të lejuar restorantet jo vetëm dërgesat në shtëpi, por edhe aktivitetet e lëvizjes. Në çdo rast, shpresojmë t’u ofrojmë të gjithë operatorëve ekonomikë një horizont të qartë kohor, në mënyrë që të kemi të gjitha informacionet e nevojshme paraprakisht dhe të marrin masat paraprake të nevojshme në kohë për të filluar përsëri në kushte të sigurisë maksimale ”, tha Kryeministri në intervistë për të përditshmen ‘la Repubblica .
Po ashtu, Conte u shpreh se sektori i turizmit është prekur rëndë dhe nuk ka shans të korrigjojë vetë humbjet e akumuluara, andaj qeveria po përgatit një plan për ringritjen e tij.
“Sektori i turizmit – shton Conte – është ai që preket rëndë, gjithashtu sepse nuk ka asnjë shans të korrigjojë vetë humbjet e akumuluara. Ministri Franceschini është duke përgatitur propozime të ndryshme për të mbështetur këtë sektor i cili, edhe nga këndvështrimi ekonomik , mbetet një nga pikat e forta të të gjithë sistemit të Italisë “.
Kryeministri më pas konfirmon se në dekretin e ri do të ketë ndihmë shtesë për familjet: “Në dekretin që po përgatitet, do të sigurohen masa specifike mbështetëse për prindërit që kanë fëmijë në shtëpi: pushim të jashtëzakonshëm dhe bonus për at që mbajnë fëmijët”.
Disa ditë më parë në mediat fqinje u raportua se qeveria pritet të miratojë një dekret të ri që sjell një paketë prej 70 miliardë eurosh, duke iu ardhur në ndihmë bizneseve, punëtorëve, familjeve, ku 30 miliardë euro do të jenë për likuiditet për kompanitë, ndërsa rritet pagesa për bizneset e mbyllura, nga 600 në 800 euro për 2 muaj.
Deri tani në Itali janë 195,351 të prekur dhe 26, 384 viktima.
