Policia italiane ka arritur të arrestojë një 37-vjeçar shqiptar, i cili kishte 7 vite i shpallur në kërkim.
Shqiptari ishte i shpallur në kërkim, pasi akuzohej se në vitin 2013 së bashku me dy persona të tjerë kishin hyrë nëpërmjet tubacionit të gazit në një apartament dhe kishin grabitur bizhuteri me vlerën 60.000 euro.
Bashkëpuntorët e tij ishin arrestuar më parë, ndërsa 37-vjeçari është arrestuar ditën e sotme në zonën e La Spezias. Edhe pse i shpallur në kërkim, 37-vjeçari shqiptar ishte dënuar në mungesë nga Gjykata italiane me katër vite burg.
