Prokurorët e Tiranës kanë zbërthyer Rozeta Dobin, sanitaren e Alda Klosit, që ka çuar në arrestimin e kësaj të fundit. Dobi u arrestua për vjedhjen e një shume të konsiderueshme parash rreth 500 mijë euro, por për 120 mijë euro u akuzua nga Klosi se i janë vjedhur asaj në shtëpi.
Mësohet se Alda Klosi është shoqëruar mesditën e të premtes në orën 6 dhe është arrestuar në 22:30. Rozeta Dobi po kështu ka qëndruar për rreth shtatë orë të premten në Policinë e Tiranës, dhe ka deklaruar se e gjithë ngjarja me Alda Klosin ishte një inskenim. BalkanËeb’ ka zbardhur pjesë nga dëshmia e saj në polici.
“Paratë vinin që nga viti 2021. Unë nuk kam dijeni kush i sillte, por paratë vinin në çantë. Në dhjetor 2022 Alda ngaqë kishte konflikte me burrin më kërkoi t’i ruaja. Ditën që i mora me çantë i mora nga kasafortë, pasi Alda nuk ishte në shtëpi. Më tha ajo vetë merri në kasafortë.
Ngjarjen e vjedhjes e inskenova pasi ajo donte të ngarkonte me përgjegjësi burrin”, mësohet të ketë thënë Rozeta Dobi.
Sipas informacioneve nga prokuroria e Tiranës ish-zyrtarja e Kryeministrisë Alda Klosi akuzohet për fshehje pasurie, pastrim parash dhe deklarim të rremë para oficerit të policisë.
