Situata e pandemisë në vendin tonë paraqitet mjaft kritike, ndërsa infektimet janë rritur shumë edhe te moshat e reja. Një tjetër e re ndodhet në intubim në spitalin Infektiv pasi ka sjellë në jetë para kohe fëmijën e saj. Mësohet se e reja 22 vjeçe i është nënshtruar një operacioni cezarian. Ajo ishte 26 javëshe shtatzënë, ndërsa prekja e rëndë pulmonare e intubuar detyroi mjekët që të kryenin ndërhyrjen që në muajin e tetë.
Mësohet se fatmirësisht foshnja ka ardhur në jetë në gjendje të mirë dhe aktualisht ndodhet në maternitet nën kujdesin e mjekëve. Nga ana tjetër, nëna e re është në gjendje të rënduar shëndetëësore.
Një javë më parë po te ky shërbim solli në jetë fëmijën e saj edhe një 25 vjeçare, gjendja e së cilës u përmirësua pasi fillimisht u shtrua në terapi intensive.
Rasti më i rëndë ishte ai i 22-vjeçares nga Korça, e cila humbi jetën pasi solli në jetë fishnjën e saj në Sanatorium. E reja ndodhej në intubim prej tre javësh dhe nuk mundi ta fitonte betejën me virusin. Mjekët e spitaleve COVID kanë bashkëpunuar në disa raste me mjekët e matrenitetit “Koço Gliozheni” për të sjellë në jetë foshnja nga nëna të infektuara me koronavirus.
