Koronavirusi vijon të marrë jetë njerëzish çdo ditë e më shumë.
Mëngjesin e sotëm ka ndërruar jetë drejtori i Institutit të Ndërtimit, Agron Hysenlliu i cili ishte infektuar me Covid-19 prej disa ditësh.
Hysenlliu ishte i shtruar prej 10 ditësh në Spitalin e Sanatoriumit në Tiranë dhe gjendja e tij shëndetësore ishte e rëndë. Familjarët e tij ishin ata që kërkuan që ta dërgonin në Turqi për kurim mirëpo duket se kjo gjë nuk u realizua dor e për pasojë drejtori humbi jetën në Shqipëri.
Rënia e oksigjenit në gjak u bë shkak që Hysenlliu të humbte jetën. Ai ishte futur në intubim pas përkeqësimit të gjendjes shëndetësore, duke ndërruar jetë mëngjesin e sotëm.
Ende nuk ka informacione nëse Hysenlliu vuante nga sëmundje të tjera bashkëshoqëruese ndërkohë diten e djeshme Ministria e Shëndetësisë njoftoi se nuk e kanë fituar dot betejën 7 qytetarë me Sars-Cov2 pozitiv në spitalet COVID: një 58 vjeçar dhe një 62 vjeçar nga Kavaja, një 60 vjeçar nga Durrësi, një 73 vjeçar dhe një 75 vjeçar nga Korça, një 78 vjeçar nga Shkodra, një 85 vjeçare nga Tirana.
