Një atentat me armë ndodhi në minutat e para të ditës së sotme në fshatin Byshek në Elbasan.
Mësohet se shënjestra e atentatit është identifikuar si Petrit Çarçiu 48-vjeç ndërsa u përball me një breshëri plumbash në orën 00:30 të ditës së sotme në fshatin Byshek, Elbasan.
Ai ishte duke udhëtuar bashkë me djalin në momentin kur makina është qëlluar me breshëri plumbash.
Petrit Çarçiu ka dy vëllezër që aktualisht janë duke vuajtur dënimin jashtë shtetit për probleme me drogën.
Sipas “Balkanweb” bëjnë me dije se në fshatin ku jeton 48-vjeçari, tri herë i kanë djegur lokalin.
48-vjeçari Petrit Çarçiu mësohet se ka pasur problem edhe me dy gratë e tij, pasi njëra prej tyre e ka denoncuar edhe për ushtrim dhune.
Njoftimi i Policisë së Elbasanit:
Rreth orës 00:30, në fshatin Byshek, Elbasan, shtetasi P. Ç, banues në fshatin Shushicë, Elbasan ka njoftuar Sallën Operative të DVP Elbasan se në rrethana ende të paqarta është qëlluar me armë zjarri në drejtim të mjetit të tij i cili udhëtonte sëbashku me djalin
Nga të shtënat nuk ka asnjë të plagosur, por vetëm dëme materiale të mjetit me të cilët udhëtonin shtetasit e lartëpërmendur.
Shërbimet e Policisë vijojnë punën për sqarimin dhe zbardhjen e rrethanave të ngjarjes, me qëllim identifikimin dhe kapjen e autorit.
