39.1% e shqiptarëve vuajnë nga hipertensioni, një ndër shkaktarët kryesorë të sëmundjeve të zemrës dhe goditjeve në tru, përgjegjës për rreth 50% të rasteve.
Sipas Institutit të Shëndetit Publik, tregojnë se përhapja e kësaj sëmundjeje ka ardhur në rritje.
Maji është muaji i ndërgjegjësimit për hipertensionin, pasi shumica e të prekurve nuk e dinë se vuajnë nga presioni i lartë i gjakut. Shumë të tjerë, ndonëse janë në trajtim, nuk arrijnë ta mbajnë nën kontroll.
Ekspertët theksojnë se hipertensioni shpesh nuk jep simptoma të dukshme, prandaj matja e rregullt e presionit të gjakut është mënyra e vetme për ta zbuluar.
Të dhënat e ISHP për vitin 2023 tregojnë se:
• 36.6% e personave me hipertension nuk ishin të vetëdijshëm për gjendjen e tyre;
• 34.7% e atyre që merrnin trajtim, nuk e kishin presionin e gjakut të kontrolluar.
Nëse kapet herët, hipertensioni mund të menaxhohet me stil jetese të shëndetshëm dhe medikamente të përshtatshme.
