Kosova nuk e ka humbur aleatin e saj më të madh, Shtetet e Bashkuara, përkundrazi nota pozitive vijnë prej saj.
Ka qenë vet ish-zëvendëspresdenti dhe kandidati i demokratëve për presidenti të SHBA-së, Joe Bide, i cili në letrën dërguar presidentit Thaçi ka lënë një dedikim të veçantë.
“Ruajeni besimin! Gjërat do të përmirësohen”, ka shkruar në fund të letrës Biden.
Këtë e ka bërë publike presidenti kosovar në faqen e tij në rrjetin social Facebook.
“Dje kam pranuar një letër nga ish-zëvendëspresidenti i SHBA-së, Joe Biden, i cili vazhdon të jetë shumë i përkushtuar për Kosovën. Edhe kjo letër e ish-zëvendëspresidentit Biden vjen si përkrahje për një zgjidhje të dakorduar në mënyrë reciproke me Serbinë, e cila çon në njohjen e pavarësisë së Kosovës. Jemi të bekuar me miqtë e shumtë amerikanë dhe kjo miqësi është e shenjtë për vendin dhe popullin tonë. HTH”, shkruan Thaçi.
Kujtojmë se Biden ka krijuar një marrëdhënie shumë emocionale me qytetarët e Kosovës. Afër kampit Bonsteel, për nder të shërbimit të djalit të tij për Kosovën, është ngritur edhe një shtatore.
