Ish- presidenti i klubit të njohur turk të Gallatasarajit, Adnan Polat ka dorëzuar në prokurorinë e Stambollit një padi penale ku akuzon kompaninë e Sinan Idrizit, “Air Albania” për mashtrim.
Idrizi, njëri nga aksionerët e kompanisë “Air Albania”, është akuzuar se ka marrë 3.5 mln euro dhe nuk i ka kthyer kurrë.
Pas akuzave të bëra, Idriz Sinani ka reaguar menjëherë, duke u shprehur se ka marrë edhe një avokat për të parë se kush ka të drejtë.
“Ky është një lajm i sponsorizuar nga mediat turke. Jemi në gjyq për blerjen e një kompanie. Jemi dy palë, kemi një marrëdhënie dhe do ta shohim kush ka të drejtë. Ai që na ka paditur ka bërë detyrën e tij. Secila palë ka marrë avokatin e saj, të shohim çfarë do të vendoset”, ka thënë Idrizi.
Bazuar tek akuzat e raportuara në mediat turke, Idrizi ka kërkuar 3.5 milionë euro nga Adnan Polat, në mënyrë që ta ndihmonte për blerjen e një kompanie nafte në vendin tonë.
