Kur na ndajnë vetëm disa muaj përpara zgjedhjeve të përgjithshme parlamentare të 25 prillit, aderimit e disa figurave të artit, kulturës dhe më gjerë vazhdojnë të ndodhin në Partinë Socialiste.
Pas sopranos Vikena Kamenica, Monika Lubonjës dhe Land Hysit, edhe ish-missi i parë shqiptar, Valbona Selimllari, është bërë pjesë e familjes socialiste.
Ajo e konfirmoi aderimin e saj në Partinë Socialiste gjatë një takimi të kryebashkiakut të Tiranës me qytetarët në zonën e Zall-Bastarit.
“Tek Partia Socialiste jam sepse ne kemi një thënie nga Përmeti. Unë jam përmetare me origjinë dhe themi: Ai djali dhe ajo vajza po janë punëmbaruar dhe kjo fjalë më ka mbetur gjithmonë në mendje se ma thoshte gjyshi dhe nëna: “Punëmbaruari është gjithmonë i suksesshëm” dhe në fakt unë jam me punëmbaruarit, sepse për hir të së vërtetës nuk kemi kohë të humbim me ata që s’mbarojnë punë”, ka deklaruar Selimllari.
